El Alak

بِسْمِ ٱللَّهِ ٱلرَّحْمَـٰنِ ٱلرَّحِيمِ

Me emrin e Allahut, të Gjithëmëshirshmit, Mëshirëplotit!

ٱقْرَأْ بِٱسْمِ رَبِّكَ ٱلَّذِى خَلَقَ

Lexo me emrin e Zotit tënd, i Cili krijoi (gjithçka),

خَلَقَ ٱلْإِنسَـٰنَ مِنْ عَلَقٍ

e krijoi njeriun nga një droçkë gjaku!

ٱقْرَأْ وَرَبُّكَ ٱلْأَكْرَمُ

Lexo! Zoti yt është Bujari më i madh,

ٱلَّذِى عَلَّمَ بِٱلْقَلَمِ

i Cili, me anë të penës ia mësoi,

عَلَّمَ ٱلْإِنسَـٰنَ مَا لَمْ يَعْلَمْ

ia mësoi njeriut ato që nuk i dinte.

كَلَّآ إِنَّ ٱلْإِنسَـٰنَ لَيَطْغَىٰٓ

Por vërtet që njeriu shkel çdo cak,

أَن رَّءَاهُ ٱسْتَغْنَىٰٓ

kur mendon se është i vetëmjaftueshëm.

إِنَّ إِلَىٰ رَبِّكَ ٱلرُّجْعَىٰٓ

Në të vërtetë, kthimi është te Zoti yt!

أَرَءَيْتَ ٱلَّذِى يَنْهَىٰ

A e ke parë ti (Muhamed) atë që pengon

عَبْدًا إِذَا صَلَّىٰٓ

robin (Tonë) kur falet?

أَرَءَيْتَ إِن كَانَ عَلَى ٱلْهُدَىٰٓ

A nuk është ai (robi Ynë) në rrugë të drejtë

أَوْ أَمَرَ بِٱلتَّقْوَىٰٓ

dhe që urdhëron për devotshmëri?!

أَرَءَيْتَ إِن كَذَّبَ وَتَوَلَّىٰٓ

Mendo, nëse ai (penguesi) mohon dhe kthen kurrizin,

أَلَمْ يَعْلَم بِأَنَّ ٱللَّهَ يَرَىٰ

a nuk e di ai se Allahu i sheh të gjitha?!

كَلَّا لَئِن لَّمْ يَنتَهِ لَنَسْفَعًۢا بِٱلنَّاصِيَةِ

Jo, jo! Nëse ai nuk tërhiqet nga kjo, Ne do ta kapim për ballukesh (për ta hedhur në zjarrin e Xhehenemit),

نَاصِيَةٍ كَـٰذِبَةٍ خَاطِئَةٍ

për ballukesh të gënjeshtarit dhe fajtorit.

فَلْيَدْعُ نَادِيَهُۥ

Atëherë ai le ta thërrasë shoqërinë e vet,

سَنَدْعُ ٱلزَّبَانِيَةَ

Ne do t’i thërrasim Zebanijet (rojet e Xhehenemit)!

كَلَّا لَا تُطِعْهُ وَٱسْجُدْ وَٱقْتَرِب ۩

Kurrsesi mos iu nënshtro atij (o Muhamed), por bëj sexhde dhe afroju Zotit tënd!