Et Tekuir

بِسْمِ ٱللَّهِ ٱلرَّحْمَـٰنِ ٱلرَّحِيمِ

Me emrin e Allahut, të Gjithëmëshirshmit, Mëshirëplotit!

إِذَا ٱلشَّمْسُ كُوِّرَتْ

Kur Dielli të mblidhet e të humbë shkëlqimin;

وَإِذَا ٱلنُّجُومُ ٱنكَدَرَتْ

kur yjet të rrëzohen

وَإِذَا ٱلْجِبَالُ سُيِّرَتْ

dhe malet të lëvizin tutje;

وَإِذَا ٱلْعِشَارُ عُطِّلَتْ

kur devetë barrse të braktisen

وَإِذَا ٱلْوُحُوشُ حُشِرَتْ

dhe egërsirat të tubohen;

وَإِذَا ٱلْبِحَارُ سُجِّرَتْ

kur detet të vlojnë

وَإِذَا ٱلنُّفُوسُ زُوِّجَتْ

dhe shpirtrat të bashkohen (me trupat);

وَإِذَا ٱلْمَوْءُۥدَةُ سُئِلَتْ

kur foshnja e varrosur për së gjalli të pyetet

بِأَىِّ ذَنۢبٍ قُتِلَتْ

për çfarë faji ishte vrarë;

وَإِذَا ٱلصُّحُفُ نُشِرَتْ

kur fletët të shpërndahen

وَإِذَا ٱلسَّمَآءُ كُشِطَتْ

dhe qielli të zhvishet;

وَإِذَا ٱلْجَحِيمُ سُعِّرَتْ

kur Xhehenemi të flakërojë

وَإِذَا ٱلْجَنَّةُ أُزْلِفَتْ

dhe Xheneti të afrohet:

عَلِمَتْ نَفْسٌ مَّآ أَحْضَرَتْ

atëherë çdokush do të marrë vesh çfarë kishte përgatitur (për këtë Ditë).

فَلَآ أُقْسِمُ بِٱلْخُنَّسِ

Betohem për ata (planetë) që tërhiqen,

ٱلْجَوَارِ ٱلْكُنَّسِ

që lindin e perëndojnë,

وَٱلَّيْلِ إِذَا عَسْعَسَ

për natën kur bie terri

وَٱلصُّبْحِ إِذَا تَنَفَّسَ

e për agimin kur nis të zbardhë,

إِنَّهُۥ لَقَوْلُ رَسُولٍ كَرِيمٍ

se ky (Kuran) është Fjalë e (kumtuar prej) një të Dërguari fisnik,

ذِى قُوَّةٍ عِندَ ذِى ٱلْعَرْشِ مَكِينٍ

që zotëron fuqi dhe pozitë të lartë te Zoti i Fronit

مُّطَاعٍ ثَمَّ أَمِينٍ

e që është i respektuar atje dhe besnik.

وَمَا صَاحِبُكُم بِمَجْنُونٍ

Shoku juaj nuk është i marrë.

وَلَقَدْ رَءَاهُ بِٱلْأُفُقِ ٱلْمُبِينِ

Ai e ka parë atë në horizontin e qartë

وَمَا هُوَ عَلَى ٱلْغَيْبِ بِضَنِينٍ

dhe nuk mbulon asnjë të fshehtë prej së Padukshmes.

وَمَا هُوَ بِقَوْلِ شَيْطَـٰنٍ رَّجِيمٍ

As ky (Kuran) nuk është fjalë e djallit të mallkuar.

فَأَيْنَ تَذْهَبُونَ

Prandaj, nga po ia mbani?

إِنْ هُوَ إِلَّا ذِكْرٌ لِّلْعَـٰلَمِينَ

Ai është veçse këshillë për botët:

لِمَن شَآءَ مِنكُمْ أَن يَسْتَقِيمَ

për secilin nga ju që dëshiron të ndjekë rrugën e drejtë.

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلْعَـٰلَمِينَ

Por ju nuk mund të dëshironi, përveçse me vullnetin e Allahut, Zotit të botëve!